23 entries sasyapol sa World Slasher Cup 1 grand finals

Dalawampu’t tatlong entries ang nakatakdang magsagupa para sa 4-cock grand finals ng unang edisyon ng 2024 World Slasher Cup 9-Cock Invitational Derby matapos makapagtala ng kahanga-hangang iskor sa elimination at semi-final round ng nasabing kompetisyon.

Muling bibida ang mga bigating pangalan ng isport sa pinakaabangang 4-cock grand finals sa Pebrero 4, Linggo, sa Smart Araneta Coliseum.

Sasagupa sa 4-cock grand finals sina Osang Dela Cruz, Joe Paneda/Ron Aguado, at Arnel D. Pangilinan, matapos makapagtala ng tig-limang panalo at wala pang talo sa pagtatapos ng semi-final round.

Top contender din ang combined entry nina Tata Rey Briones at Tony Kho (Spartans Uno) matapos makapagtala ng apat napanalo at isang tabla.

Makikipagbakbakan din sa grand finals sina Paul & Duce Romias/Tata Rey, Doc Don/Jaycee Gee/Fiscalizer, Danny Lim/Neil Figueroa, Don Destura, Niño Yee/Jeofrey Gonzales, Engr. Amy T. Lauron, George Alapag, Bobby Fernandez/James Uy, Rico Manalansan, Christian/Howie/Claude Bautista, Tom Hernandez, Joseph Panganiban, Jun Limpiado, LandoFlores/Roger Castro/Baguio City, VG Lacson/JB Bernos/Mario Siochi Jr/ John Lee, Tinasol Gamilla/Adolf James Gamilla, Chris Pons/Eddie King/Jun/Moy, Frank Berin/Jeremy Berin/Justin Berin, at Kenneth Boy/Lenman/Daday; matapos makapagtala ng tig-apat na panalo at isang talo sa pagtatapos ng semi-final round.

Sasyapol naman sa pre-finals sa Pebrero 3, Sabado, ang mga kalahok na nakapagtala ng tig-dalawang puntos, dalawa’t kalahating puntos, tatlong puntos, at tatlo’t kalahating puntos.

Samantala, meron pang 82 entries ang nakatakdang makipagbakbakan ngayong gabi sa ikalawang araw ng semifinals para sa tyansang madagdag sa unang batch ng finalists. Pasok sa semi-final round sina Fiscal Villanueva, Atty. De Castro/Walter Ozaeta, Dadz Ge Mentiza/Dylan Castillo/Nad Mendoza, Engr. Emer Sumigad, Manny Jidaria/M. Pua, Mel Lim, Leo Nogoy, Marlon Viadd, Edwin Santiago/Randy Palmer/BDJ, Felix Gatchialian/Pat Gatchialian, Gaspar Legaspi Jr/Danilo Mandap, Joseph Panganiban, Albert Dichavez, Franny/Joy Brillantes/Jonel Dacquez from Abra, Engr. Pal Bolivar, Roel Facundo/Jojo Bacar/Beng Joson/KapLolong, Vernie/Vlad Legaspi/Danny Portillo/Donland Reyes/Ryan Mercado, Biboy Enriquez/Jorge Goitia aka Chuck Norris, Reymond Escarlan, Ernie Lagundi/Alex Lagundi, Jimmy Junsay/Dennies Reyes/Bobby Inigo, Nene Araneta, and Nestor Mercado/Lito Orillaza.

Sa mga nais na masaksihan nang live ang nasabing derby saSmart Araneta Coliseum ay maaari po silang bumili ng ticket sa Ticketnet o di kaya sa www.worldslashercup.ph.